सम्झी ल्याउदा डाको छोडि रुन मन लाग्छ । धन्य ओली तिमी छौ र हास्न मन लाग्छ ।।

ओलीले जित्नु थियो, जिते ।
नाका बन्दीमा नाटक गर्नु थियो, गरे ।
त्यहि भएर त जिते ।
हेर्नु त,
प्रधानमन्त्री बन्नु थियो, बने ।

नेपाली जनता बिचरा भेडा
ओलीका उखानमा मख्ख
ओली हसाउने, जनता हास्ने
बिरामी भए नेता, देशकै ढुकुटी मास्ने ।

हावा बाट बिजुली हररर
रेलमा कुद्ने भैयो सरररर
घर-घरमा ग्यास फररर
यति सुने पछि के चाहियो ?
खुसीले खुट्टा भुँई न भाँडामा
ओली माथि-माथि डांडामा
नेपालि जनता सधै खाल्डामा
रमाइरहने भए घिउ र डाल्डामा ।

हेर्दा हेर्दै ओलीले
धुर्मुस-सुन्तलीको जागिर पनि खाए ।
ओलीले हसाउने,
धुर्मुश-सुन्तलीले देश बनाउने,
स्टेडियम बनाउन धुर्मुस सुन्तलीनै चाहिने।

खोइ कसरि जोड्लान दुइ देश रेलले ?
एउटा सडकको खाल्डो पुर्न बर्षौ लाग्ने ठाउमा,
खोई के चलाउलान हावा बाट बिजुली ओलीले?

म बस्छु ललितपुरमा तिन बर्ष भो
बल्ल बल्ल खानेपानीको धारो भो
पानि भन्दा बडी लेदो आउँछ अहिले
पिउने पानी आउने हो कहिले?
ढलको त कुरै नगरौ अहिले ।
यहि हिसाबले घरघरमा ग्यास पाइप
कहिले पुर्याउलान त ओलीले ?

ढल बनेर कुद्छ हनुमते खोलो
उनकै घर जाँदा पर्ने त्यो टोल हो ।
मेरो नाकका रौ सबै झरिसके
गन्ध भित्र पसी फोक्सोमा बसिसके
ओली भने कारमा कुद्छन सररर
अगि-पछि पुलिस राख्छन झण्डा फररर ।

सम्झी ल्याउदा डाको छोडि रुन मन लाग्छ ।
धन्य ओली तिमी छौ र हास्न मन लाग्छ ।।

Advertisements

One Comment on “सम्झी ल्याउदा डाको छोडि रुन मन लाग्छ । धन्य ओली तिमी छौ र हास्न मन लाग्छ ।।

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.

%d bloggers like this: